പേര് - പോക്കര്‍

വയസ്സ് - 36

ജനിച്ച വര്‍ഷം - 12/05/1962 ( പക്ഷെ 36 എന്നെ എല്ലാവരോടും പറയൂ)

ഉയരം - 6 അടി 2 ഇഞ്ച് ( 1 അടിയുള്ള ഒരു ബഞ്ചില്‍ കയറി നിന്നാല്‍ )

ഇപ്പോള്‍ എന്തു ജോലി ചെയ്യുന്നു - തവിടു ഫാക്ടറിയിലേ സൂപ്പര്‍വൈസര്‍ (സ്വീപ്പര്‍ എന്നതിനു ചെറിയ മാറ്റം വരുത്തി)

ഇപ്പോള്‍ കിട്ടുന്ന സാലറി - 20000 രൂപാ (2000 ആണു യധാര്‍ത്ഥ സാലറി പൂജ്യത്തിനു വിലയില്ലല്ലോ)

സ്വഭാവം - തങ്കപ്പെട്ട സ്വഭാവം (തല്ലുകൊള്ളി സ്വഭാവം എന്നു നാട്ടുകാരോടു ചോദിച്ചാല്‍ പറയും!!! പക്ഷെ മലയാളത്തില്‍ ആയതു കൊണ്ട് ഒരു ചെറിയ വത്യാസം വരുത്തി “തങ്കപെട്ട സ്വഭാവം” എന്നാകി മാറ്റി!!!)

വിദ്യാഭ്യാസ യോഗ്യത ‌- ബി കോം ( ബാച്ചിലര്‍ ഇന്‍ കോമാളിത്തരം എന്നതു ബാച്ചിലര്‍ ഇന്‍ കൊമേര്‍സ് എന്നാക്കി മാറ്റി, വളരെ ചെറിയ ഒരു മാറ്റം)

സൌദിയിലെ ഒരു മലയാളി കണ്‍സ്ടക്ഷന്‍ കമ്പനിയില്‍ അക്കൌണ്ടന്റ് ആകാനുള്ള ഒരു പത്രപ്പരസ്യത്തിനു പോക്കര്‍ എഴുതി തയ്യാറാക്കി കമ്പനി തലവനു കൊടുത്ത മറുപടിയാണ് മേല്‍ പറഞ്ഞതു!!!!!

ബ്രാക്കറ്റില്‍ കൊടുത്തിരിക്കുന്നതു യധാര്‍ത്ഥ യോഗ്യത... അതു എനിക്കറിയാവുന്നതു കൊണ്ട് ഇവിടെ കുറിച്ചു എന്നു മാത്രം!!!

എന്തായാലും പോക്കറിന്റെ ചങ്ങാതിയും പ്രസ്തുത കമ്പനി മാനേജരുടെ വിദൂര ബന്ധുവുമായ നീലന്റെ ശക്തമായ സമ്മര്‍ദ്ദവും കൂടിയായപ്പോള്‍ വിദേശം എന്ന സ്വപ്ന ലോകം കണ്ട് ഇന്റര്‍വ്യൂവില്‍ പങ്കെടുത്ത പോക്കറിനെ ഞെട്ടിച്ചു കൊണ്ട് 5 പേരില്‍ ഒരാളായി തിരഞ്ഞെടുക്കുകയും ചെയ്യും!!!!

നീലന്‍ കുത്തിവച്ച വിദേശം എന്ന സ്വപ്ന ലോകം, ഉള്ള സ്വീപ്പര്‍ ജോലി പോലും ഉപേക്ഷിക്കാന്‍ പോക്കറിനു പ്രേരണയായി എന്നു പറയുന്നതാവും കൂടുതല്‍ ശരി!!!!

ഇവീടെ ഒരു മാസം തൂപ്പു പണിയില്‍ നിന്നു കിട്ടുന്ന വരുമാനം സൌദിയില്‍ അരദിവസം കൊണ്ടുണ്ടാക്കാമെന്ന അതിമോഹത്താല്‍ സ്വപ്ന ഭൂമിയില്‍ എത്തിയ പോക്കറിനു പക്ഷെ മോഹങ്ങള്‍ക്കു പകരം മോഹഭംഗങ്ങള്‍ ആയിരുന്നു കാത്തിരുന്നത്!!!

അതില്‍ പ്രധാനം ഓഫ്ഫീസിലേ തിരോന്തോരം അണ്ണന്‍മാരുടെ പാരവെപ്പായിരുന്നു!!!

തനി മലബാറിയായ പോക്കറിനു പാരവെപ്പില്‍ ഡിഗ്രിയും, ഡിപ്ലോമയും എടുത്ത തിരോന്തോരം അണ്ണന്മാര്‍ ഒരു തീരാവ്യാധിയായി മാറി!!!!

നാട്ടില്‍ അത്യാവശ്യം തല്ലുകൊണ്ട് ശീലമുണ്ടായിര്‍ന്നെങ്കില്‍ പോലും ഇടക്കിടെ അറബികളില്‍ നിന്നും, അറബി പോലീസുകാരില്‍ നിന്നും വെറുതെ കിട്ടുന്ന തല്ലുകള്‍ പോക്കറിനു സഹിക്കാവുന്നതിലും അപ്പുറമായിരുന്നു!!!!

വപ്പായുടെയും, ഉമ്മയുടെയും കര്‍മ്മദോഷം കൊണ്ടൊ, മറ്റെന്തെങ്കിലും കാരണം കൊണ്ടോ ജന്മനായുള്ള കള്ള ലക്ഷണം പോക്കറിനു കിട്ടുന്ന അടിയുടെ പരിധികൂട്ടി!!!

ഒരിക്കല്‍ ഒഫീസില്‍ വന്ന ഒരു അറബിയോട് “യാ അള്ളാ ബറാ” എന്നു പറഞ്ഞതിനു പോക്കറിനു നാ‍ഭിക്കു ഒരു തൊഴി കിട്ടിയതിനു ശേഷം മൂത്രമൊഴിക്കുന്നതു പോലും അടുത്തുള്ളവരോട് ചോദിച്ചിട്ടു ചെയ്യേണ്ട ഗതികേടിലും ആയി...

“മാന്യ ദേഹമെ ഒന്നു വെളിയിലേക്കു വരൂ” എന്നാണ് പോക്കര്‍ ഉദ്ദേശിച്ചതു... പക്ഷെ പറഞ്ഞതിന്റെ പൊരുള്‍ വച്ചു അറബി മന‍സ്സിലാക്കിയതു “ഇറങ്ങി പോടെ പയലെ” എന്നായിരുന്നു!!!!

എന്തു ചെയ്യാന്‍ പോക്കറിന്റെ നിര്‍ഭാഗ്യം!!!!

അതും കഴിഞ്ഞ് ഫിലിപ്പീന്‍സ് കാരന്‍ സൈറ്റ് എഞ്ചിനീയറിടെ വക കുംഫൂ നെഞ്ചത്തു...

നിരപരാധിയായ പോക്കര്‍ ഫിലിപ്പീനി എഞ്ചിനീയറോട് “ഹൌ ആര്‍ യു പൂത്താംഗന” എന്നു വെറുതെ ചോദിച്ചതെയുള്ളു.....

സൈറ്റില്‍ യാദ്യശ്ചികമായി ചെന്ന പോക്കറിനോട് തിരോന്തോരത്തുള്ള ഒരു അണ്ണന്‍ പറഞ്ഞു കൊടുത്തതാണു ഫിലിപ്പീന്‍സ് ഭാഷയില്‍ സാര്‍ എന്നതിനു പകരം ‘പൂത്താംഗന” എന്ന വാക്കാണ് ഉപയോഗിക്കുന്നതെന്ന്!!!!!

ഇടികിട്ടി അടുക്കിവച്ച കാര്‍ട്ടൂണുകള്‍ക്കു നടുവില്‍ നിന്നും പിടഞ്ഞെഴുനെല്‍റ്റു വന്നു കാര്യം തിരക്കിയപ്പോഴാണ് പ്രസ്തുത വാക്ക് പച്ച തെറിയാണെന്ന് അറിയുന്നതു തന്നെ!!!!!

തന്റെ ശരീരവും, അന്യരുടെ കയ്കാല്‍കളും തമ്മില്‍ അഭേദ്യമായ ബന്ധം ഉണ്ടെന്നും അതു തനിക്കു ഗുണം ചെയ്യുകയില്ലെന്നും മനസ്സിലാക്കിയ പോക്കര്‍ 6 മാസം കഴിഞ്ഞപ്പോഴേക്കും പ്രവാസം ജീവിതം മതിയാക്കി നാട്ടില്‍ തിരിച്ചെത്തി!!!!!

നാട്ടില്‍ തിരിച്ചെതിയ പോക്കറെ അത്ഭുതപ്പെടുത്തിയത് സന്തോഷ് ശിവന്‍ സ്വാമിജിയുടെ ലീലാവിലാസങ്ങളോ, അഭയക്കേസില്‍ 16 വര്‍ഷത്തിനു ശേഷം അറ്സ്റ്റ് നടന്നു എന്ന ഭീകര വാര്‍ത്തയോ ഒന്നുമായിരുന്നില്ല!!!!

തന്നെ ഉന്തി തള്ളി സൌദിക്കയച്ച നീലന്റെ ഉയര്‍ച്ചകണ്ടിട്ടായിരുന്നു!!!!

ആലുവാ മണപ്പുറത്തു കടല വിറ്റ് നീലന്‍ 6 മാസം കൊണ്ട് കോടീശ്വരന്‍ ആയിരുന്നു!!!

കണ്ടുമുട്ടിയപ്പോള്‍ നീലന്‍ പോക്കറിനോട് സൌദിയില്‍ നിന്നു തിരിച്ചു പോരാനുള്ള കാരണം അന്വേഷിച്ചു.....

പോക്കര്‍ കാര്യമെല്ലാം അവതരിപ്പിച്ചു!!!! “ഇടിയെല്ലാം കിട്ടിയാലും ഞാന്‍ തിരിച്ചു പോകുമായിരുന്നു... പക്ഷെ അവസാനം കിട്ടിയ ഇടി!!! അതെനിക്കു മറക്കാന്‍ കഴിയില്ല...അന്നു തീരുമാനിച്ചു ഇനി തിരികെ ഇല്ലെന്ന്”

അതെന്താ പോക്കറെ മറക്കാന്‍ കഴിയാത്തത്ര വലിയ കാര്യം!!!??? നീലന്‍ ആകാംഷയോടെ ചോദിച്ചു!!!

പോക്കര്‍ പറഞ്ഞു!!!

നാട്ടിലേക്കു തിരിക്കുന്നതിന്റെ 4 ദിവസം മുന്‍പും കിട്ടി സ്വയമ്പന്‍ ഇടി!!!!

നാട്ടിലെക്കുള്ള യാത്രമനസ്സില്‍ കണ്ട് കുറച്ചു വീഡിയോ സി.ഡി വാങ്ങി തിരിച്ചു വരുന്ന വഴിക്കു അറ്ബി പോലീസ് എന്റെ നേരെ ചാടി വീണു

എന്താണ് സീ. ഡി യില്‍ എന്നായി അന്വേഷണം!!!!

ഞാന്‍ പറഞ്ഞു എല്ലാം നല്ല സീ. ഡി കള്‍ ആണെന്ന്

പോലീസുകാര്‍ വിശ്വസിച്ചില്ല!!!!

എന്നാല്‍ ഇതൊക്കെ ചെക്കു ചെയ്തിട്ടു വിടാം എന്നു പറഞ്ഞു അവര്‍ എന്നെയും കൂട്ടി വാങ്ങിയ കടയില്‍ തന്നെ കയറി!!!

ഇട്ടപ്പോള്‍ ഈശ്വരന്‍ ഒരിക്കല്‍ വിരുന്നിനു പോയി എന്ന മനോഹര ഗാനം

അതിന്റെ അര്‍ത്ഥം എന്തെന്നായി പോലീസുകാര്‍!!!!!

പടച്ചോന്‍ ഒരിക്കല്‍ വിരുന്നിനു പോയതാണെന്നു ഞാന്‍ അറിയാവുന്ന അറബിയില്‍ പറഞ്ഞു മനസ്സിലാക്കി!!!!

ഉടന്‍ വന്നു പോലീസുകാരന്റെ ഇടി എന്നിട്ട് ഒരു ചോദ്യവും “ പടച്ചോന്‍ വിരുന്നിനു പോയാല്‍ പിന്നെ ലോകത്തിന്റെ കാര്യം നിന്റെ വാപ്പ നോക്കുമോടാ”

ഇനി അങ്ങോട്ടെക്കില്ലെന്റെ കോയാ!!!!

പോക്കര്‍ പറഞ്ഞു നിര്‍ത്തി!!!!

കഥ നടക്കുമ്പോള്‍ അനന്ദു ഏഴാം ക്ലാസ്സില്‍ പഠിക്കുകയാണ്!!!!

നമ്മുടെ പുത്തങ്കാവിലുള്ള ഒറ്റക്കുടി എന്ന അപരനാമധേയത്തില്‍ അറിയപ്പെടുന്ന അതെ യു. പി സ്കൂള്‍ തന്നെ!!!

അന്നും പതിവുപോലെ കുട്ടികളുടെ പ്രിയപെട്ട അന്നാമ്മ റ്റീച്ചര്‍ അനന്ദുവും ഉള്‍പ്പെടുന്ന ഏഴാം ക്ലാസുകാരെ പഠിപ്പിക്കാന്‍ എത്തി!!! സയന്‍സാണു അന്നാമ്മ ടീച്ചറിന്റെ വിഷയം!!!!

രണ്ടു ദിവസം മുന്‍പുണ്ടായ ഒരു സംഭവം കാരണം അന്നാമ്മ ടീച്ചറിനു അനന്ദുവിനോട് അല്പം നീരസം ഉണ്ട്!!! വെറുതെ നീരസം എന്നു പറഞ്ഞു തള്ളിക്കളയുക പ്രയാസം!!!! പിണക്കം തന്നെ!!!!

പക്ഷെ സംഭവം വെറും നിസ്സാരം!!! അനന്ദുവിന്റെ ഭാഷയില്‍ ഉപ്പു നോക്കാന്‍ പോലുമില്ലാത്ത അത്ര ചെറിയ വിഷയം!!!!

അന്നാമ്മ ടീച്ചറിന്റെ മകള്‍ സീനയും അതെ ക്ലാസ്സിലെ വിദ്ധ്യാര്‍ത്ഥിയാണ്‍. അവള്‍ ഇരിക്കുന്നതോ അനന്ദുവിന്റെ തൊട്ടു മുന്‍പിലുള്ള ബഞ്ചിലും!!!!

അനന്ദു അവളുടെ യൂണിഫോമില്‍ തന്റെ ഫൌണ്ടന്‍ പേന തുറന്നു അല്പം (ഇത്തിപ്പോരം) മഷി ഇറ്റിച്ചു!!! വെളുത്ത യൂണിഫോമില്‍ മഷി വീണു എന്നു മാത്രമല്ല പേനയുടെ തുമ്പ് സീനയുടെ പുറത്തു കൊള്ളുകയും ചെയ്തു!!!! യൂണിഫോം സ്വല്പം കീറി അതും വളരെ കുറച്ചു!!!!

പക്ഷെ എന്തോ ആനക്കാര്യം സംഭവിച്ചതു പോലെ സീന അതു അന്നാമ്മ ടീച്ചറിനോട് പറഞ്ഞു കൊടുത്തു!!!!!

അന്നാമ്മ ടീച്ചര്‍ രുദ്രയായി മാറി, അതോ കാളിയോ!!! ടീച്ചര്‍ ഉറഞ്ഞു തുള്ളി പറഞ്ഞു!!!!

“എടാ കുരുത്തം കെട്ടവനെ ഇല്ലാത്ത 700 രൂപാ ഉണ്ടാക്കി വാങ്ങിയ തുണിയാണല്ലോടാ!!!! നീ നശിപ്പിച്ചു കളഞ്ഞല്ലോടാ” എന്നു!!!!

അനന്ദുവിനു ചിരി വന്നു!!! ഈ ടീച്ചര്‍ എന്തൊക്കെയാണു വിളിച്ചു പറയുന്നതു!!!

ഇല്ല്ലാത്ത രൂപാ എങ്ങനെയാണാവോ ഉണ്ടാക്കന്‍ പറ്റുക, ഈ ടീച്ചര്‍ ഇനി വല്ല മാജിക്കും പഠിച്ചിട്ടുണ്ടാവുമോ??!!

ഈ തുണിക്കു 700 രൂപാ എന്നു പറഞ്ഞാല്‍ ആരാണു വിശ്വസിക്കുക!!!! പച്ചക്കള്ളം പറയുകയാണെന്നെ!!!! അന്‍പതു രൂപാ പോലും ഇല്ലാത്ത കീറതുണിക്കു 700 രൂപാ പോലും!!!!

എന്തായാലും സംഭവം കീറി!!! നമ്മളെക്കൊണ്ട് ഇത്രയൊക്കെയെ ചെയ്യാനൊക്കുള്ളൂ!!!!

അനന്ദു ഇതൊക്കെ മനസില്‍ പറയുമ്പോഴും അവനെ അലട്ടിയിരുന്ന ഒരു വിഷയം മറ്റൊന്നായിരുന്നു!!!സീനയുടെ പുറം പേന കൊണ്ടു കീറിയോ ആവോ!!!???

ഒളികണ്ണിട്ടു നോക്കി...ഒന്നും സംഭവിച്ചിട്ടില്ല!! എന്റെ നീളാത്തില്‍ സാസ്താവേ നിനക്കു സ്തുതി!!! അനന്ദു ഒന്നുകൂടി നോക്കി ഉറപ്പുവരുത്തി!!!!!

ടീച്ചറെ അറിഞ്ഞുകൊണ്ടു ചെയ്തതല്ല, മനപ്പൂര്‍വ്വം പറ്റിയതല്ലെ എന്നു പറഞ്ഞു നോക്കി!!!!!

പക്ഷെ ടീച്ചര്‍ ചെവിക്കൊണ്ടില്ല!!!!

പട്ടിയുടെ വാലു പന്തീരാണ്ടു കൊല്ലം കുഴലിലിട്ടാലും അതു വളഞ്ഞു തന്നെയിരിക്കും എന്നൊരു ഉപമയും പറഞ്ഞു ടീച്ചര്‍ കുറെ അടിയും കൊടുത്തു!!!!!

അടിയുടെ വേദനയെക്കാള്‍ അനന്ദുവിനെ വേദനിപ്പിച്ചതു ഈ ടീചര്‍ എന്തെ ഇങ്ങനെ തരംതാണു പോയതു എന്ന ചിന്തയായിരുന്നു!!!!

പുതിയ തലമുറ അദ്ധ്യാപകന്മാരുടെ വിവരക്കേടോര്‍ത്തു അനന്ദുവിനു മനസ്താപം തോന്നി!!!!

സീനയുടെ മുന്‍പില്‍ കൊച്ചായി പോയല്ലോ എന്ന തോന്നല്‍ വേറെയും!!!!

എന്തായാലും അന്നു മുതല്‍ അന്നാമ്മ ടീച്ചര്‍ക്കു അനന്ദുവിനെ കാണുന്നതു തന്നെ ചതുര്‍ത്ഥിയാണ്!!!!

ഇന്നു അന്നാമ്മ ടീച്ചര്‍ ക്ലാസ്സിലേക്കു കയറിയതു തന്നെ അനന്ദുവിനെ തുറിച്ചു നോക്കിയാണ്!!!!!

ഇരുത്തിയുള്ള നോട്ടം കണ്ടപ്പോള്‍ അനന്ദു മനസ്സില്‍ പറഞ്ഞു.

“ഇതു പോലത്തെ എത്ര നോട്ടം കണ്ടതാ എന്റെ ടീച്ചറെ!!!”

അന്നാമ്മ ടീച്ചര്‍ പതിവുപോലെ ക്ലാസു തൂടങ്ങി.

“കുട്ടികളെ ആദ്യമായി ഇന്നലെ പഠിപ്പിച്ച പാഠഃഭാഗങ്ങളില്‍ നിന്നും ഏതാനും ചോദ്യങ്ങള്‍ ചോദിക്കാന്‍ പോകുകയാണ്. അറിയാവുന്നവര്‍ എഴുനേല്‍റ്റു നില്‍ക്കണം”

കുട്ടികള്‍ എല്ലാം തലകുലുക്കി!!!

അന്നാമ്മ ടീച്ചര്‍ തുടങ്ങി “ശരി... ആദ്യത്തെ ചോദ്യം!!! ഊഷ്മാവള്‍ക്കുന്ന ഉപകരണത്തിന്റെ പേരു പറയുക!!!”

ക്ലാസിലെ ചെറിയ കലപില പോലും നിലച്ചു!!!! ആര്‍ക്കും അനക്കമില്ല!!!!

അനന്ദു വട്ടം തിരിഞ്ഞൊന്നു നോക്കി!!! ആരും അനങ്ങുന്നില്ല!!!!

അവനു എന്തെന്നില്ലാത്ത സന്തോഷം തോന്നി.

എത്ര നിസ്സാര ചോദ്യം, മന്ദബുദ്ധികള്‍ ഒന്നിനും ഉത്തരം അറിയില്ല!!!! പക്ഷെ തനിക്കറിയാം... അവന്‍ മനസ്സിലുറപ്പിച്ചു!!!!

അങ്കവും കാണാം താളിയും ഒടിക്കാം!!!! സുവര്‍ണാവസരം കയ്യില്‍ വന്നിരിക്കുന്നു!!!

ടീച്ചറുടെ പിണക്കം മാറാനും, സീനയുടെ മുന്‍പില്‍ ശരപഞ്ചരത്തിലെ ജയന്‍ ആകാനും പറ്റിയ അവസരം!!!!!

ഇതിനാണു മോനെ മോഹന്‍ലാല്‍ ഏതോ സിനിമയില്‍ പറയുന്നതു “ഏതു നായ്ക്കും അവന്റെ ഒരു ദിവസം വരുമെന്നു!!!!”

ആപ്തവാക്യം പറഞ്ഞ മോഹന്‍ലാലിനും, ഇങ്ങനെ ഒരു അവസരം ഒരുക്കിതന്നു എന്നു അനന്ദു സംശയലേശ്യമന്ന്യേ വിശ്വസിക്കുന്ന നീളാത്തി സാസ്താവിനും, നന്ദിയും കടപ്പാടും തികച്ചും ഒരു രാഷ്ട്രീയ നേതാവിനേപ്പോലെ മനസ്സില്‍ പ്രഖ്യാപിച്ചുകൊണ്ട് അനന്ദു എഴുനേല്‍റ്റു!!!!!

“ഇവന്‍ ഇതെങ്ങനെ സധിച്ചടാ!!!! ഇവന്‍ ആളു വിചാരിക്കുന്നതു പോലെയല്ലല്ലോ!!! എന്ന മട്ടിലുള്ള സഹപാഠികളുടെ തുറിച്ചു നോട്ടം അനന്ദു ആസ്വദിച്ചു!!!

സീനയുടെ ആരാധന നിറഞ്ഞ നോട്ടം അനന്ദുവില്‍ ഉള്‍പ്പുളകം ഉണ്ടാക്കി!!!!

“ഇതൊക്കെ എനിക്കെത്ര നിസ്സാരം” അനന്ദുവിന്റെ മുഖത്തു ജാഡവന്നു നറഞ്ഞു അതു കരകവിഞ്ഞു ഒഴുകാന്‍ തുടങ്ങി!!!!

അന്നാമ്മ ടീച്ചര്‍ക്കു ഇതിനേക്കാള്‍ സന്തോഷം ഇനി വരാനില്ല എന്ന അവ്സ്ത്ഥയിലായിരുന്നു!!!

ഈ കുട്ടിയെ ആണല്ലോ കര്‍ത്താവെ ഞാന്‍ മൂന്നു ദിവസം മുന്‍പു നിസ്സാര കാര്യത്തിനു ഞാന്‍ അടിച്ചതല്ലോ എന്നോര്‍ത്തു പരിതപിച്ചു!!!!

ആ തെറ്റിനു ദൈവത്തോട് മാപ്പപേക്ഷിച്ചു കൊണ്ട് ടീച്ചര്‍ ക്ലാസ്സിനെ നോക്കി പറഞ്ഞു

“ കണ്ടൊ എന്റെ അനന്ദുവിനെ... അവന്‍ ഒരാളെങ്കിലും എന്റെ ഈ നിസ്സാര ചോദ്യത്തിനു ഉത്തരം പറയാനുണ്ടായല്ലൊ!!!! അങ്ങനെ വേണം കുട്ടികളായാല്‍ !!!അവന്‍ കുറച്ചു കുസ്യതി കാണിക്കുമെങ്കിലും പഠിക്കാനുള്ളതു പഠിക്കും!!!”

എന്നിട്ടു അനന്ദുവിനെ നോക്കി വാത്സല്യത്തോടെ പറഞ്ഞു

“മോനെ അനന്ദു നീ ആ ഉത്തരം ഉച്ചത്തില്‍ ഒന്നു പറഞ്ഞേ!!! മറ്റുള്ള മണ്ടന്മാരും, മണ്ടികളും ഒന്നു കേള്‍ക്കട്ടെ!!!!”

അനന്ദു അഹന്തയോടെ പരമാവധി ഉച്ചത്തില്‍ പറഞ്ഞു!!!!

‘ചട്ടുകം’

ഉത്തരം വന്നതും കുട്ടികള്‍ ഉച്ചത്തില്‍ ചിരിക്കാന്‍ തുടങ്ങി

അന്നാമ്മ ടീച്ചര്‍ക്കു ദേഷ്യം പേരുവിരലില്‍ നിന്നും അരിച്ചു കയറി!!!!

അവര്‍ അവനെ രൂക്ഷമായി നോക്കിക്കൊണ്ടു ചോദിച്ചു!!!!

“ അനന്ദു ഞാന്‍ ചോദിച്ച ചോദ്യം എന്താണെന്നു നിനക്കു മനസ്സിലായോ”

ആന ചിഹ്നം വിളിക്കുന്നതു പോലെ ഭയാനകം ആയിരുന്നു അന്നാമ്മ ടീച്ചറിന്റെ ആ ചോദ്യം!!!

അനന്ദുവിനു കാര്യം ഒന്നും പിടികിട്ടിയില്ല!!!!!

“ ഈ കുട്ടികള്‍ക്കു എന്താണു പറ്റിയതു!!!! ഈ ടീച്ചര്‍ക്കു എന്തിന്റെ കേടാണ്!!!! ഒരുമാതിരി ആടിനെ പട്ടിയാക്കുന്ന പരിപാടി!!!!

ചോദ്യം ശരിക്കു കേട്ടതാണെന്ന ഉറപ്പില്‍ പതിഞ്ഞ സ്വരത്തില്‍ അനന്ദു പറഞ്ഞു “ ഓ ... അറിയാം ടീച്ചര്‍”!!!!

“എന്നാല്‍ പറഞ്ഞെ!!!!” ഈ തവണ അന്നാമ്മ ടീച്ചറിന്റെ ശബ്ദം കുറച്ചു കൂടി കനത്തിരുന്നു!!!!

“ഉപ്പുമാവിളക്കുന്ന ഉപകരണത്തിന്റെ പേരല്ലെ ടീച്ചര്‍ ചോദിച്ചത്”

ഈ തവണ കുട്ടികളെക്കാള്‍ ഉച്ചത്തില്‍ കേട്ടതു അന്നാമ്മ ടീച്ചറിന്റെ ചിരിയായിരുന്നു!!!!

ചമ്മലിനിടയിലും അനന്ദുവിനെ വിഷമിപ്പിച്ചതു തന്റെ പ്രിയപ്പെട്ട സീന ആരാധന മറന്നു വായ കീറി ചിരിക്കുന്നതു കണ്ടിട്ടായിരുന്നു!!!!